Алексей Иванов (general_ivanoff) wrote,
Алексей Иванов
general_ivanoff

Category:

БЛАГОВЕЩЕНИЕ ПРЕСВЯТОЙ БОГОРОДИЦЫ



Днесь спасения нашего главизна и еже от века таинства явление: Сын Божий Сын Девы бывает, и Гавриил благодать благовествует. Темже и мы с ним Богородице возопиим: радуйся, Благодатная, Господь с Тобою.

Взбранной Воеводе победительная, яко избавльшеся от злых, благодарственная восписуем Ти, раби Твои, Богородице, но, яко имущая державу непобедимую, от всяких нас бед свободи, да зовем Ти: радуйся, Невесто Неневестная.

Архангельский глас вопием Ти, Чистая: Радуйся, Благодатная, Господь с Тобою.




О, Пресвятая, Богоизбранная Дево, Святаго Утешителя Духа Всенепорочная Невесто, Пребожественнаго же Отца Небеснаго Дщи превожделенная, посреде терния мира сего Тем обретенная, яко крин пресветлый, добротою девства блистающийся, да Сыну Божию чистая Мати Неискусобрачная будеши! Что убо воздадим Тебе в пресветлый день сей Благовещения, воньже Архангела Гавриила красотою безмернаго девства Своего удивила еси и от того неизреченное обрадование восприяла еси? Что принесем Тебе за вся утешения Твоя, имиже возвеселила еси в день сей весь мир видимый и невидимый, наипаче же падший древле род человеч?

Днесь спасения нашего начало и еже от века таинства явление: ныне убо Слово Божие тихо сниде с небес, яко капля, каплющая на землю, и вселися в Твою Богоблагодатную Девственную утробу и бысть Плоть спасения нашего ради. Сего ради днесь Ангели ликуют на небесех и вся тварь веселится и радуется, празднующе начало свобождения своего от работы истления в свободу славы чад Божиих. Ныне радуется женское естество, Евы ради падшее. Та бо повинувшися змию, печаль роди женам и неудержанно введе смерть. Ты же, Дево, разрешила еси от горькия работы весь род человеч и свободою Христовою естество женское почтила еси, зане девством чистым паки истинную жизнь ввела еси, и сего ради жены, девство держаще, врага яве побеждати начинают. Ныне Адам ликует, видев, яко в пресветлый день сей исполнися на Тебе первое райское благовестие, яко Семя Жены сотрет главу змия. С нимже ликовствует ныне весь род человеч, понеже Тобою, Пречистая, упразднися днесь древнее отвращение Божие к человеком, Бога бо паки привела еси к нам. Сего ради зрим Тя ныне, якоже древле Иаков, яко лествицу высокую, Еюже сниде Бог на землю, и яко мост пречуден, имже сущих от земли паки возводиши на небо.

Что воздадим Тебе, Царице неба и земли, за вся сия, имиже радость несказанную подала еси падшим и заблуждшим людем Твоим? Вся наша жертвы и приношения ничтоже суть пред величеством благодеяний Твоих. Единое точию угодно Тебе: сердце сокрушенно и смиренно, егоже и Сын Твой и Господь наш не уничижит. Сего ради молим Тя: исполни нас от превосходящия высоты смирения Своего, елика вместити возможем, да принесем Ти во всесвятый день Благовещения Твоего Твоя от Твоих, во еже во всяцем деле блазе не мыслити высокая, но выну во смирении духа пребывати. Сею первейшею добродетелию украшени, в пресветлый день сего праздника Твоего в кротости и чистоте сердца со Архангелом Гавриилом возопием Тебе:

Радуйся, Благодатная, радуйся, Обрадованная, радуйся, Преблагословенная, Господь с Тобою и Тобою с нами во веки веков. Аминь.

Subscribe

  • Клубничное, прекрасное

    " Энтузиазм очень велик. Таксисты уже не только Грудинина приветствуют. Мы с оператором канала «Нейромир» выходим в аэропорту, и уже…

  • Антироссийская провокация накануне выборов

    5 марта британская полиция объявила, что в 16:10 на скамейке возле одного из торговых центров городка Солсбери (графство Уилтшир) обнаружены в…

  • Пришли за Мацейчуком

    В 7:30 утра сотрудники МВД пришли с обыском на квартиру в Мытищах, которую снимает польский "журналист" Томаш Мацейчук, завсегдатай…

  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 2 comments